香港股市 將收市,收市時間:6 分鐘

【熱話】同事成日講政治好煩

有公務員發起呢個星期五去中環集會,反映愈來愈多香港人都講政治。

小編whatsapp有個公務員Group,大家正在熱烈討論,星期五出去會唔會「送頭」,又有朋友話,去坐下應該無事。

你不找政治,但政治會找上你,喺呢個社會生活,好多時你想避開呢個話題,但真係好難做到。

之不過,總有人係只想馬照跑,舞照跳,覺得公司唔好講咁多政治。

話說有打工仔上網訴苦,話成日喺公司聽同事講政治議題覺得好煩,而且係連老細都講埋一份,敢怒不敢言:

office hour做緊嘢又講,食飯又講,開會又講,公司whatsapp group又講,pantry撞到又講,我都以經唔L 出聲,完全唔參與呢啲話題,好心你就收爹啦」

佢覺得將政治帶入工作環境好唔專,正打算轉工跳槽。

有打工仔回應:

「最慘係冇意見中立都俾人批鬥」

「自從612之後我都寧願自己食飯」

「香港無得救,嚴重撕裂」

「我都唔鍾意喺公司講自己立場」

其實呢個現象,小編反而覺得好正常,唔需要勞氣,一來「八」係香港人天性,向來都係雞啄唔斷,之前有人係咁估許志安幾時再偷食,都一樣咁煩;二來今時今日嘅香港,其實你去到邊度都避唔到,因為香港人,真係共同面對緊一個大難關。

至於表唔表明立場,要自己計算好後果,小編只能祝福大家平安。

來源:香討

===================

19網輕鬆爆料熱線,歡迎舉報老細同事19惡行,立即click入去講畀我哋知啦