香港股市 已收市

【熱話】同學聚會:學歷低賺得多過學歷高

中學讀書叻、考到大學,表面好叻,但出到來社會,就見真章。 

最近網民熱話莫過於同學聚會入面發現嘅殘酷真相,就係曾經被睇低一線嘅同學仔,今日竟然係賺得最多、最風光嗰位。

就好似大學畢業做文員仔,月入講緊最盡兩萬幾,反而中五畢業讀毅進,個個做晒sales,賣保險、賣基金,好景上來月入可以有10萬,屋企買部電視都大過你個地櫃。 

有人話,可能只係因為你同學仔入面無律師、醫生、督察,又冇人做公務員,所以先顯得讀書叻嘅人,賺得唔夠多。亦有人嘗試解釋,因為你讀嗰間唔係band1中學,所以升上大學班同學仔都唔係讀神科,所以極其量只係一位有大學學歷嘅文員仔。 

但其實就算你係入咗公務員嗰班,講緊一般都只係搵緊4-6萬一個月。但有啲同學中三被踢出校,做咗裝修師傅、整車師傅,甚至地盤工程,有時又真係搵到8-10萬一個月。

學歷低但賺得比人多呢個情況,又確實有機會出現。 

反而同學會上嘅「例牌」輸家,就係嗰班只係上咗大學,讀啲「雞雞」Degree嗰班,因為唔係專科,所以唔會做到社會公認嘅專業人士,於是撈咗10年嘢,但人工都係剛剛近2萬,做多10年人工都未有大進帳。 

不過總結一句,呢個世界只有賺得多嘅人先出嚟同學聚會,賺得少嘅,又點敢蒲頭吖!呢句係咪最中肯先? 

來源:香討

【相關搜尋】同學聚會總會遇見的6種人

===================

19網輕鬆爆料熱線,歡迎舉報老細同事19惡行,立即click入去講畀我哋知啦