【熱話】在職媽媽的辛酸

雙職家庭，在職媽媽辛酸有誰知？

話說有位在職媽媽，終於忍唔住要訴苦，批評老公唔分擔家務之餘，自己又要受奶奶氣，而最唔明白嘅，就係點解女人做家務同時又要賺錢養家？

在職媽媽說：

「但係我老公變成大佬

咩都唔做 返來靜係玩手機

佢覺得我唔做 佢丫媽會做

我收工返來要同仔沖涼、餵飯、洗碗、洗奶樽、沖奶、洗仔既衫、晾衫。返來無停過手

仲要受佢氣！

點解我地女人都係要賺錢養家」

你有無朋友都係陷於呢種苦況？

時勢唔好，又唔可以辭職，仔女又未出身，仲有排教養，但份工愈來愈辛苦，另一半又愈來愈懶，少咗同你分擔。最慘係，奶奶大大聲俾氣你受，同人講：「我自己冇福氣，屋企無人做嘢」

上一輩係仲有唔少人覺得「家務係女人做」，但又唔明白今時今日，女性都要返工搵食，而可以養尊處優嘅全職主婦，真係萬中無一。

咁佢可以點解決呢？

有主婦教佢，不如真係請個姐姐，如果唔係星期五收工先來洗5機衫，真係洗到「人都癲」；有人就教路，你愈願意做只會愈做愈多，不如只做關於BB嘅家務，等老公同奶奶自然醒覺，即係俗語話「鬥唔做家務」；有人甚至話，不如同奶奶講，送個仔去孤兒院，一了百了。

小編身邊都曾經出現唔少呢類個案，根據經驗，處境好兩難，以為奶奶可以幫手，點知增加咗自己壓力都不自知，最後朋友都係，請工人算數。

來源：baby-kingdom

===================

19網輕鬆爆料熱線，歡迎舉報老細同事19惡行，立即click入去講畀我哋知啦