【熱話】如果無地鐵 邊區最方便?
呢排交通網絡半癱瘓,有打工仔終於問一個問題,就係如果真係無地鐵,住喺邊區最方便?
有人就話係荃灣贏晒,因為又多巴士又多小巴,區內經濟又自給自足,唔使靠大商場。
小編都認同荃灣真係幾方便,以前會覺得區內購物點零散,但估唔到,今時今日反而成為優點;交通方面,城隧方便唔使講,要入大西北,更加係無咗荃灣唔得,至於出油尖旺,有恆心嘅話,步行都唔係唔得﹗有人計算過,荃灣行到尖沙咀,約要花200分鐘,至少係可以到達。至於小巴,就更加係非常重要。
仲有邊區方便呢?有人話要睇返工地區,總之銅鑼灣、旺角都係無得輸。
但有啲區,例如紅磡,如果無港鐵「實力就會劈一半」,反而大埔區,看似平日好似好多交通問題,但其實好多大埔人,平日都少搭港鐵,小巴又出到沙田,巴士又打通南北,真係一個福地。
最後有人就提出一個突破盲腸觀點,其實只要睇邊度示威多人,嗰區就係最方便。
你覺得今時今日最方便係住邊區返工?大家不妨分享下。
部份來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦