【熱話】帶飯注定係窮鬼?
職場充滿階級觀念及偏見,每個行為都可以被人惡意解讀,就好似帶飯咁,原來有打工仔覺得帶飯係窮鬼所為。
有網民在討論區開post恥笑公司帶飯同事,形容帶飯係「學生哥行為」,「仲細咩,不如返屋企食啦。」又講到食餐晏都係講緊一百蚊以內,只有窮人先俾唔起,說話非常刻薄難聽,甚至形容帶飯係「自閉行為」,等於離群,為慳嗰少少而冇咗社交圈子,「咁唔識做人,好難有前途。」
不過呢個講法惹來連串反駁︰
1.帶飯隨時貴過出街食,見過有同事飯盒有和牛及龍蝦,非常富貴
2.好多同事的飯盒係愛心飯盒,非銅臭所能污衊
3.帶飯同事慳錢唔代表本身窮,有同事帶飯但揸BENZ
4.老闆都係帶飯,不過係御用廚師煮,俾錢都食唔到
5.帶飯健康,唔係因為窮
6.出街食垃圾食物,敢問邊個窮啲
不過公司向來是是非之地,的而且確,有些帶飯同事確實有俾人杯葛,但請謹記山水有相逢,職場確實係風水輪流轉,唔好以飯取人呀!
來源︰香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦