【熱話】打工仔力數惡頂男同事
好多人話男同事好少發脾氣,好好相與,但有打工仔卻開post,力數男同事幾宗罪,仲問邊種男同事最惡頂。
大家睇睇以下現象,係咪似曾相識:
色迷迷目及你
有女士認為被目及最惡頂,好offensive,因為呢樣嘢永遠冇得投訴,只會畀人話你諗多咗。如果處理投訴嘅係男上司,更加好少會喺女性角度出發,會覺得「又唔係摸你,有乜問題」。
有味男
有打工仔留言直指中年男同事「有味」,散發住一陣陣難頂男人「除」,令好多女同事都指明開會唔要坐邊個隔離,非常直白。到夏天直程想公司取消開會;唔少女同事會用止汗或者噴嘢,但男同事絕大部分都唔會用。
是非成精
男同事「八婆」起上嚟,勁過女人。有打工仔話男同事一講是非就毒舌,有齊人身攻擊甚至會講到性,令愛聽是非的同事都會反感。
不過原則上,惡頂係無性別之分嘅,或者係上面咁多位打工仔唔好彩。
世界已經進步緊,女同事都會色迷迷目及你,只係呢種現象較少出現,你說不是嗎?
原post:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦