【熱話】接受offer後要交一個月人工支票「按金」

呢個年頭，求職陷阱依然周圍都係。有求職者在討論區報料，話見工遇到不合理嘅入職條款，包括試用期內遲到兩次即炒、簽約要交一個月人工嘅支票做「保證金」，試用期內唔撈就會被沒收保證金，引來一眾打工仔熱議。

呢位求職者見嘅工係一間中上至大規模的公司，望落環境好靚，感覺好正常，直至聽到人事部經理解釋入職條件，先知係「伏」。

1）試用期內，遲到2次，會立即terminate。（就算遲到一分鐘都當遲到一次）

人事部經理補充：「係呀！無辦法，公司老闆對員工遲到方面非常非常極度嚴格，呢個係公司以前成立一直以來都係咁，目的係想大家準時返工……」

如果遇到交通意外咁點？經理答：「過咗試用期，（交通意外遲到）一年內最多申請兩次。」

2）接受offer後要交相等於一個月月薪的支票做「按金」 要3個月試用期過咗，先拎得返張支票。如果試用期內離職，就無得拎返張支票。

原因係「公司絕對唔想人騎牛搵馬，所以有呢項措施！我地公司只係幫你『保管』住你呢張支票，我地最後一定會退還比你！」

不過如果試用期內轉工，「我地真係會恭喜你呀，但支票我哋係唔會退返俾你。」

喂喂，聽到呢度，唔使問勞工處都知犯法啦，仲唔報警求助？上討論區冇乜作用呀？

來源：香討

===================

19網輕鬆爆料熱線，歡迎舉報老細同事19惡行，立即click入去講畀我哋知啦