【熱話】旅行手信被嫌「五餅二魚」
依家同事仲興唔興去旅行買手信?如果你間公司唔興搞呢味,咁恭喜你喇,呢間公司可以做多一陣。之但係,如果你間公司同事係好like派手信,咁就對唔住喇,你要玩得好好睇睇,如果唔係,好易俾人mean足一世。
最近討論區就有打工仔貼咗同事份食物手信同埋貼喺手信上面的紙條出來,肆無忌憚咁挪揄一番。
一如所料,同事買咗一大包食物之外,在包裝上貼label,講到明同事一人拎一份。點知被一眾同事恥笑,話一人分得一小份不如唔好派。
亦有打工仔分享自己同事嘅派手信方式,話自己見過有同事拎一個中密實袋,包羅萬有咁每樣執幾粒糖呀、魷魚呀、餅乾呀咁零食入去個袋入面,再派俾同事,最後俾同事笑「五餅二魚」,認真mean爆!
不過有一句小編真心想問,就係今時今日,去日本買唔買手信好呢?
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦