香港股市 已收市

【熱話】的士司機過海怨氣大

終於知道,點解的士司機唔過海,成日會講:「我車你去附近過海的士站好唔好」。

話說近日有行家上載自己支「最短海旗」,由理工大學去灣仔六國酒店,埋單只得49.5再加20蚊,問有無單(上圖),可以少賺過呢單?

點知,低處未算低,有行家話蕪湖街油站去新鴻基,跳標差唔多,有人由港島太平洋酒店去ICC,結果得嗰44蚊加「雙蛋」;有客由火車站去波斯富街,車資都係40幾蚊。

估唔到,一班的士大佬,對過海真係咁大怨氣。

有司機仲自嘲話,乘客最爽係call85折的過海,幾個人坐過海,真係爽過坐巴士㗎﹗仲話「大客」點都call 85先,而家班客「見你無境就宰你」。

不過都有司機大佬較持平,話最緊要唔好塞車啫。

小編真心問過司機朋友,佢話過海都係最緊要識走位,而且因為港鐵成日停駛,只要識坐地起價,其實唔怕過海喎。

來源:的士司機資訊網 Taxi

===================

19網輕鬆爆料熱線,歡迎舉報老細同事19惡行,立即click入去講畀我哋知啦