香港股市 將在 8 小時 41 分鐘 開市

【熱話】社會畸型 才會吹噓政府工?

大家唔知有無留意,近年坊間有唔少政府工嘅報道,唔理係咩職位,總之每次政府請人,明明已經唔係鐵飯碗,大家都同你講係一份筍工。

就呢個現象,終於有人上網討論,話說有打工仔忍唔住開post,覺得考公務員其實係非常不思進取嘅表現,只有經濟差或無得再發展嘅地方,先至會吹噓政府工﹗

該名打工仔感慨:「當一個社會畸型到,不斷咁宣傳宣揚考政府有乜好,鐵飯碗幾錢人工etc,其實有冇諗過背後,就係香港嘅年輕人,已經唔想再拼搏,失去左獅子山精神。」

當然,大家對呢個睇法都有所保留,一來私人公司唔見得好做,二來唔係個個都做到banker同機師,三來自由市場,獅子山精神唔可以再當飯食了。

小編覺得,今日嘅年輕人先醒目,一早諗定政府工。

小編都有朋友30歲前從banker轉政府工,貪夠穩定養家;初時見佢好唔慣,成日話好悶好悶,但幾年過後,舉家經常去旅行,見佢生活無憂,又可以向世界出發,朋友之間都非常羨慕。上年最新又有朋友由私人工程公司轉入政府,係忙啲,但心態真係定咗。

有時候諗,其實唔係政府工好,而係私人公司工作環境愈來愈惡化,你又感唔感受到?

(討論連結【相關搜尋】政府工最新職位空缺

===================

19網輕鬆爆料熱線,歡迎舉報老細同事19惡行,立即click入去講畀我哋知啦