【熱話】細公司老細 心胸都細啲？

係人都知做得細公司，好多時都係零福利，例如廁紙和辦公室pantry用品也要自費，無花紅，無雙糧，無病假，每星期返五日半等。但講到最騎呢，莫過於老闆思維，仲引來網民力數細老司老闆的種種「有趣行徑」，大家不妨睇吓當開眼界。

1）增設1000元勤工獎（算好人好事），之但係同時增設，遲到一分鐘罰款60元，另遲到四次全扣1000元勤工獎。（未免太嚴苛）

2）早餐時間限時十分鐘（由打電話叫外賣開始計）

3）老闆為趕某同事走，靜雞雞出招聘廣告，求其請個人，就逼人走，仲想慳一個月糧，開口叫被逼走嘅同事做多一個月。

4）老闆出名庹縮，公司慶功請啲同事食飯，竟然係請下午茶，平時公司以前有零食供應，慢慢變咗兩三個月先有一包話梅。

5）老闆專打人情牌，新年又同你呻窮叫你同佢捱。見你肯捱啦，就覺得你唔會走，係咁叫你做啲唔係你應該做嘅野。

6）離職時，老闆要求要收返老司所有派俾大家嘅東西，連員工嘅私人物品都要收埋，包括洗碗布都要，真係要寫個服字。

7）連張工作證明都要加句「唔好問我任何關於呢位員工的事」，同離職員工劃清界線。

細公司，係咪老闆心胸都細啲呢？

來源：香討

===================

19網輕鬆爆料熱線，歡迎舉報老細同事19惡行，立即click入去講畀我哋知啦

【相關搜尋】做細公司好過大公司?