香港股市 將在 8 小時 32 分鐘 開市

【熱話】網友問前程:做工程師定做教師?

新一年,又到芸芸學子擔心前路嘅季節,話說有人上網集思廣益,問今時今日到底係做工程師好定教書出路較好?

如果你問小編,以前就一定撐工程師,雖然大家都係「師」,但社會形象專業好多,又跟得上時代脈搏,不過時代唔同,集合意見,似乎大家都100%支持教書,點解會咁呢?網民原因如下:

  • 老師假期多,hea做都唔會死,但工程hea做就大件事
  • 今時今日做工程乜都要識,但人工就反映唔到
  • 經濟差會影響工程師,隨時得15K入行,但老師照加人工跳point,高下立見
  • 教書對住學生妹,做工程卻要日日whatsapp同大判講數,做多幾年,枯燥乏味

小編翻查2018數據,現時學士碩士或以上學歷入職工程,平均月薪都有17K,所以一般大學生,工程起薪已經算好;反而教書出路其實好窄,如果搵唔到教席,代課要代好耐,唔計平日有假期等於無假期,工作要拎返屋企,班管理層見你做多幾年,就會嫌你唔夠young無新思維,平日好多是非⋯⋯教書都有辛酸一面呢,其實好多行業都一樣,要近睇先睇到缺點。

來源:連登

===================

19網輕鬆爆料熱線,歡迎舉報老細同事19惡行,立即click入去講畀我哋知啦