香港股市 將在 3 小時 開市

【熱話】老師根本好難表達不滿

上星期本版寫過一篇「點解教師會咁嘆」,估唔到今個星期,教育界負能量一幕接一幕,各行各業打工仔,都一齊用放大鏡睇緊,到底天水圍東華三院李東海小學嘅林老師,點解要走上絕路?

小編呢兩日睇好多關於教師跳樓呢單案嘅意見,又問過幾位朋友,教書朋友直言,為人師表真係要好大決心先走到投訴校長呢步,而且所謂投訴校長,其實係好難嘅事。

  1. 機制上只有校長係辦學團體授權,平日雞毛蒜皮事,投訴會弄巧反拙
  2. 學校文化一般保守,最怕「搞事」嘅人,未講道理已經輸一半。
  3. 各家自掃門前雪,同事唔一沉百踩已經好好,同事要幫你,自己就改唔切簿。
  4. 校長、主任、副校好似立法會咁分晒黨派,有民主黨,亦有建制派,你想邊個黨幫你?
  5. 辦學團體最緊要面,平日俾人稱讚作育英才,即使有管理層真心想幫老師,都可能礙於組織,息事寧人。
  6. 受害人好多都選擇唔出聲,令出聲嘅人更大壓力。
  7. 校本制度有好多好處,但亦因為校本制度,令老師要更聽校長話,如果你係「壞份子」,隨時轉校都無運行,所以有老師會形容校長係「武則天」。
  8. 社會對老師印象是好多假、好高薪,你投訴是身在福中不知福,常言道:「香港有邊份工好做,邊份人事唔複雜」
  9. 過往大多校長叫大家表達不滿,實是引蛇出洞的例子。
  10. 為人師表,以身作則,老師都投訴得校長,點解學生唔投訴得老師?所以唔少學校,都盡量避免有投訴文化出現。

坦白講,過去咁多年,小編見過校長可以俾老師逼到退位嘅例子少之又少,真係5隻手指數得晒。

===================

19網輕鬆爆料熱線,歡迎舉報老細同事19惡行,立即click入去講畀我哋知啦