香港股市 將收市,收市時間:4 小時 12 分鐘

【熱話】西營盤酒樓優先請新移民

中港融合,理應香港人內地人一家親,任何行業請人都唔應該涉及歧視某類人、又或者優待某類人。之但係有網民發現,西營盤第二街一間即將開業嘅「潮州風X酒家」,仲有西環太平洋廣場已開業嘅「津X大飯店」,招聘廣告上都寫明「新移民及講普通話者優先錄用」,被指係歧視香港人之舉。

唔少網民見到呢兩個招聘廣告都好嬲,仲揚言話要報平機會,可惜根據目前法例,平機會都未必受理,因為根本無「香港人歧視」呢個條目。

所以網民就即刻轉口風,話要發揮消費者力量,永不幫襯咁話! 

唔止酒樓,其實依家好多連鎖零售店、超市、食肆都請多咗好多普通話非常流利嘅人,再舉目四周望吓自己個辦公室,請ABC已經過時,識請緊係請「Zhi Chi Shi」。

小編覺得,大愛啲講,講咩語言,都可以係好同事(你睇啲外國人,同班女同事一齊食飯幾開心),都可以對社會有貢獻,但如果愈來愈多好似「潮州風X酒家」呢類空缺咁,香港人會有咩後果,真係難以預料了。

===================

19網輕鬆爆料熱線,歡迎舉報老細同事19惡行,立即click入去講畀我哋知啦