【熱話】開酒吧唔係開社區中心

每一行都有鮮為人知嘅辛酸，你以為表面風光嘅酒吧行業，原來都係背人垂淚。最近有Gay Bar員工喺社交媒體爆料，數盡圈內人嘅乞兒行為，令Gay吧生意愈來愈差，打工仔份糧受影響，當然有微言啦。

簡單來講，酒吧生意一直難做，係因為主力生意都在星期四、五、六三日夜晚，所以大家都希望用免費時段，吸引一啲消費客早到可飲多幾杯，但免費時段，呢班圈內人就會出現免費飲杯，免費時段過後，就一齊走，一杯酒都沒有買過。

另一原因係但凡有GoGo Boy表演，酒吧都會有預先買枱方式，推高消費，但呢班人真係人多，一支酒10幾人分，又係冇乜消費，但霸最多位置，大家背後只會講個街市婆又嚟黐酒飲，佢哋亦試過帶自己酒來飲，完全做壞規矩。

上環酒吧當然亦一樣，唔好以為同老闆熟，越熟越睇你哋唔起。人多塞爆成間Bar，但咪又係零消費，啲人寧願去7仔買嘢喺出面飲，都唔比面少少哋買一杯酒。

呢位員工不禁慨歎，佢哋係開酒吧唔係開社區中心，開個大門俾埋位你做聯誼，作為圈內人，究竟有冇想過Gay Bar係做生意都要開飯生存，你比人睇唔起係你呢班人一直嘅行為。

呢個帖當然引起圈內人熱議，有人話「They have no stake for the bars」，亦有人認為一支酒十幾個人分果吓好嘢。

打工仔只求一餐安樂茶飯，希望今次寫得咁明白，大家會收斂一啲啦。

來源：facebook

===================

19網輕鬆爆料熱線，歡迎舉報老細同事19惡行，立即click入去講畀我哋知啦