【熱話】3年經驗,人工低過剛畢業
依家呢一代,好鍾意將人工攤開晒嚟講,但一攤牌,實有同事會唔開心。近日討論區就有打咗三年工嘅打工仔埋怨,自己人工低過啱啱畢業嘅新人,所以決定辭職唔撈。
呢位做咗3年嘅打工仔,22歲fresh grad,25歲,拎緊16K人工,之但係剛剛入職嘅新人,一嘢就17K,於是引起一眾舊人不滿,質疑點解舊人人工比新人仲低,係咪公司想玩分化?
呢個情況,其實有幾個解讀:
起薪跟市道、跟通脹。其實唔同行業呢一兩年嘅起薪點都比之前高咗$1000-$2000,反映市道,經濟唔好嘅話,起薪都唔會高,公司自己都識計數。
公司想逼走班舊人,因為寧願畀新人都唔加畀你,就係要你受屈辱,自己走。
邊個沉默邊個就輸。好多事唔逼到埋牆都唔會處理,開低人工,你又唔出聲反抗,咁你就一直低人工,公司唔需要幫你諗。反而有時狠狠地開口話要加人工,講明唔滿意3年經驗人工低過新人,公司反而會好順攤咁加人工。
你工作能力只值16k,公司想加畀你都加唔落手。
最新發展係呢位打工仔已經搵到份19k嘅工,然後人事部仲話公司好重視有經驗嘅人。總結係:打工仔只有喺轉到工嘅一刻,先至重新搵到自己嘅價值。
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦