【熱話】5萬蚊人仔北上,你願意嗎?
成日都話打工仔要背靠祖國,咁如果俾你有得揀,可以返大陸打工,而且待遇唔差,咁你又制唔制?
網上有打工仔就面對兩難局面,佢從事IT工作,突然被問有冇興趣返內地打工,工作地點係三綫城市邯鄲,冇地鐵要揸車,做IT程式開發員。人工講緊有五萬蚊,有房屋津貼,工作平日有免費飯堂。
一眾打工仔當然立即同佢分析啦,得出以下正反意見:
正:
香港搵5萬,生活成本高;內地三綫城市搵5萬,生活成本低,三線城市有一萬一月非常好用,更何況5萬。
三線城市幾好住、人唔多,但其實咩都有,只要識揸車就冇問題。但要信得過公司唔會拖糧 。
可以賺到大陸工作經驗,對將來投身中資公司有幫助。
依家人才都集中在一線城市,二線城市例如成都、青島、東莞等等人才也很多,競爭激烈。 反而3、4線城市適合港人,再唔上去,更加被邊緣化。
已婚人事,又可多頭家。
反:
結果5萬講緊稅前人工,就制唔過,因為大陸稅35%,扣埋得返4萬,又冇強積金,唔抵。
喺香港做過中資公司,已經有大把中資公司想請你,唔使大陸經驗。
就算5萬係稅後人工,都冇吸引力,因為三綫城市生活成本平咗,好大程度係因為生活水平低咗,而且要放棄家庭時間,仲未計香港目前仍然比大陸自由。
怕對家間公司係得一個IT人,到時工作與責任都上晒身,所以人工來講,65-70k比較合理。 如果5萬係稅後人工,公司又包住宿費用、同埋放假回港機票,就可以考慮。
如果換轉係你,你會唔會仆到去呢?唔去,又會有咩原因……
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦