香港股市 將收市,收市時間:9 分鐘

【熱話】90後00後同事唔識張國榮張學友

代溝好多人都會認為係中年人唔認識年輕人,但實情好多時都係年輕人杯葛中年人。就好似近日社交平台就有人貼文,講到一班9000後同事去唱k,竟然有一名70後的同事死都要加入,最後被當眾取笑點埋啲老餅歌,黑晒面離場。 

當大夥兒全程點唱一大堆韓國歌包括BigbangIU之類,呢位70後同事就點「有心人」及「遙遠的她」,點知後生同事聽都未聽過,上google search完後仲話乜係張國榮同張學友呢類衝唔出香港歌手所唱的「垃圾歌」,於是就不斷恥笑呢位同事老餅。仲話以後如非必要,都唔好同上咗年紀的同事唱k 

此帖一出,立刻引來一眾網民甚至fans的批評,反駁話張國榮及張學友一早衝出國際,恥笑貼文者無知、無senses。仲批評呢類年輕同事玩杯葛唔合群,做法幼稚。  但老實問一句,其實依家有幾多打工仔真係會約同事去唱k?有冇人識唱新歌?又有冇人真係唔識哥哥及學友?小編身邊,就無朋友敢同同事去唱K啦,免得露底底啦。

來源:巴打絲打01自由搏擊facebook

【相關搜尋】80後必聽歌曲

===================

19網輕鬆爆料熱線,歡迎舉報老細同事19惡行,立即click入去講畀我哋知啦