理貨員轉做肉類分割 月薪多8千
轉行除咗睇錢,仲睇啲咩?最近有網友諗緊為唔為$8,000轉行?你可能問,轉行多$8,000喎,仲諗咩呀?但如果係轉做「肉類分割員」呢?你又制唔制?
呢個,係一個𢭃緊$13,000-14,000人工的理貨員的掙扎,而新工係超市豬肉檔,人工有$22,000,足足比舊工多$8,000。但又事關佢下年3月有機會做見習經理,難免心大心細。
唔少網民都支持轉行,原因大概都係文員人工低、無前途,反觀肉類分割員的人工有機會升上三萬,以錢來講,一定好過做文員。亦有疑似現職豬肉佬過料,話知道香港豬肉行業90%係同一老闆,儲錢來講,一定唔錯。每年會有一日無薪大假(講緊大年初一)可以請假,但請假的時間,如果頂替果個做得比你好,你直頭唔使再撈,好多時工傷無保險,超市情況大約開7放7,叫樓主自己考慮。
如果你有得揀,你又會唔會想做風度翩翩、歎住杯dry martini的肉類分割員呢?
來源:香討