男女惡上司普遍特徵
如果有得揀,你會跟男上司定女上司?
HR朋友本身都係女性,佢話,女性本身係比較多疑,以下好多情況都係在女上司身上容易發現,唔知大家有無體會過?
樣樣事都要管,跟佢做嘢慘過做佢老公,要絕對嘅掌控權。
五時花六時變,明明上一分鐘先樣樣嘢都要管,然後下一分鐘問大家做咩樣樣嘢都煩佢。
提早更年期,做得女上司都有一個通病,就係彷佛提早更年期,做任何事都忟咗先。
過份細心以致煩膠,女人成日覺得自己比男人細心,尤其係女上司,成日嫌你呢樣又唔諗果樣又唔諗,郁啲就挑你機,正煩膠。
失憶當食生菜,女人只係記自己想記嘅嘢,然後大部分時間當自己冇講過,或者編咗另一版本故事,無中生有,犀利。
不過,男上司惡頂位一樣大把:
不問世事,有鑊唔孭。你畀咩文件佢佢都求其睇、求其簽,當刻覺得啲嘢過晒關,但一旦瀨嘢,佢會唔認數,典型男人格。
勁唔細心,靠同事補底,補到天荒地老。你幫完佢,佢仲會嫌你搞到件事複雜咗。
吹多過做,叻吹水擦鞋,但實事就唔做。
煩起上嚟煩過女人,好多時都唔算煩,但去到影響到佢嘅問題,就會煩過女人咁問東問西,每事問、每秒問,心諗你問夠未。
雙重標準到爆,如果你唔算靚女,講多一句都嫌你煩、嫌你唔到point,如果你係靚女,萬事可容忍。
比較完男女上司嘅普遍特徵,都係惡啃㗎喇,但大家比較接受到邊種?
===================
19網輕鬆爆料熱線,歡迎舉報老細同事19惡行,立即click入去講畀我哋知啦