雅虎香港財經 
【真人真事】筍工全被朋友「截糊」
呢個世界真係好邪，好多嘢都係有咁啱得咁橋，唔止朋友的朋友可能識自己，見工撞到識嘅人，最絕莫過於想要的工都俾朋友「截糊」。
呢件絕對係真人真事，發生在小編一位朋友身上。佢見咗三份工，三份都過咗筆試、入埋2nd in，但最慘係發現三份工最後都係輸俾身邊的朋友。
佢之所以知道，除咗係linkedin 發現朋友update新工status外，有一份仲要係佢好朋友whatsapp公佈喜訊，話某某某公司請咗佢，一見到公司名心都寒埋，問落去先肯定係同一份工。而當發現自己之所以「輸」的原因，就更加揼心口。
1）個Job Opening原來一開始就為朋友而開
有希望先至會失望，望住個job descriptions 以為自己好有機，又過埋筆試，面試表現又好，只係差未來公司的一個電話，等極都等唔到。事後聽到消息先發現，呢間公司一出post就已經主動叫朋友apply，而自己一直陪跑而不自知。
2）朋友頂爛市
一般人轉工，坐底都叫過起碼15%，以為都為市場上好基本的叫價，但當發現實力同經驗都唔夠自己好的朋友，最後搶到份工，有技巧一chok下，發現原來佢俾HR壓到加得果7%都肯轉，真係好難唔輸。心入面果句當然係：「好心唔好頂爛市啦！」
3）唔夠朋友高大靚仔或甜美靚女
永遠都係輸樣，面對咁殘酷的現實，請問仲可以講啲咩呢？冇事我都你返埋位做嘢喇……
19＋精選推介
廣告
秒like 19+ Facebook！
===================
19網輕鬆爆料熱線，歡迎舉報老細同事19惡行，立即click入去講畀我哋知啦
