香港股市 已收市

【真人真事】魚唔過塘都肥 跳草裙舞加9K

魚唔過塘唔肥,呢句話已經out,今時今日,只要你識捉心理、識跳草裙舞,魚唔過塘都肥。

小編朋友正係跳草裙舞嘅得益者,已經見晒工、攞埋口頭offer,就立即捉緊機會同上司傾留低嘅條件。

因為朋友平日做嘢都好妥當、有交帶,而且有質素保證,所以好快贏得上司重視。所以上司一聽到朋友話要走,立即問佢係唔係人工問題,如果關人工事就盡力幫佢爭取,仲問埋對家出咩offer

當聽到朋友轉工加咗$7000,上司即刻請示老闆,後來竟然肯出$9000留人。朋友聽到就決定留返舊鋪。之但係「跳一跳草裙舞加九千」嘅消息好快就傳開去,聽聞唔少同事都敢怒不敢言,仲酸溜溜咁話:「努力做嘢冇用,不如學跳草裙舞仲實際!」

其實如果你係HR,都一定聽過類似情況,明明俾咗offer,但求職者最後都rejected,細問先知佢間公司加求職者人工,由本來34k一下子變45k

所以魚唔一定要過塘;弱肉強食嘅世界,只要池中無大魚,小魚就可自大。

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】爭取加人工五大要點