香港股市 已收市

【真人真事】Designer請人實錄

以下個案係集合朋友所見所聞,唔知你有無遇到過?

個案一:後生仔太誠實

interview嘅後生仔,讀咗4 design,畢業後做過倉務員,之後轉做客戶服務。問佢點解轉行,佢話喺學校同人做group project 夾唔嚟,所以讀完都唔想再做design 

咁點解又來見工?佢話,因為做完嗰兩份工都唔啱自己,都係夾唔嚟,不如做返design 試下。真係未免太誠實,HR心諗,夾唔嚟先最扣分。

個案二:太吹水

後生仔porfolio 有寫拍過片,但其實只係做過 4cam 嘅其中一個cam man,但就當晒自己拍,之後storyboard 又話係自己畫,但角度點拍一睇就知係director 指導,咁又可以有幾勁?有時回歸基本步,講自己參與幾多,學到幾多最好。 

個案三:突然又唔撈

朋友最後幾經辛苦,終於請咗個似樣少少嘅後生仔,勝在無吹水問題,但明明聽日返工,今日打電話話都係唔做了,原因係唔想做design,真係十級絕! 

小編好奇,點解咁多人讀Design,卻又唔想做Design?不過一諗到Designer呢份工比上不足,比下有餘,而且工作量大,剪剪下片無啦啦做埋camman、錄埋VO,又包埋俾客戶同老闆出氣,小編就見怪不怪了,於是同負責「in人」嘅朋友講咗句「將就下啦」。

===================

19網輕鬆爆料熱線,歡迎舉報老細同事19惡行,立即click入去講畀我哋知啦