地產奇招:睇樓送10個口罩?
武漢肺炎波及樓市,除了戴口罩睇樓重現,今日更傳出有代理講明「睇樓送10個口罩,成交即送300個」,筆者搵一搵,都真係有代理為了吸客,講明「睇樓送口罩」,相當於請老細食支雪茄、幫買小熊曲奇手信,足以證明口罩有價。
除此之外,有盤更開始以口罩融入廣告營銷,揚言「國難當前,套現買口罩」、「住高層山景唔使戴口罩」等等,相當黑色幽默。
之不過,如果你真係覺得口罩有價,有三點要注意,第一係,如果你兩公婆睇樓,即使「送10個」,你每次睇樓都只係多咗8個,條數要識計;第二,睇口罩同睇樓一樣都要睇質素,ASTM lv1-3價格都不同,規格不全,又可能得物無所用,最終淨蝕兩個出街的口罩;第三,叫「套現買口罩」的單位為屯門瓏門661呎單位,叫價850萬元,套現後如果食炒價買口罩,當1000蚊一盒,意味你低沽(樓)高買(口罩),投資行為上實在不太鼓勵啦。
===============
精選資訊網站「中環街市」 臉書粉絲頁