香港股市 將在 8 小時 6 分鐘 開市

【秘聞】酒店業最怕客人R著數

唔講唔知,原來酒店住客有招絕招叫「酒店談心」,即係同酒店透過EMAIL,又或者面對面同酒店的服務員溝通,以達致你想得到的結果。 

例如想酒店幫你UPGRADE套房,於是開始用一啲理由,包括結婚紀念日/ 渡蜜月/ 生日/ 拍拖週年等…… 

試過有人去馬爾代夫,話俾人聽佢去渡蜜月想UPGRADE房間,酒店就要求對方提供結緍証明書,提供唔到就知難而退,都咪話唔心涼。 

於是有客人會開始改用「第一次」,例如:第一次來呀,希望你會俾一個好好回憶我!對酒店來講,你第一次來關我鬼事咩! 

亦有人會話成班朋友一齊玩,於是R酒店俾間套房,等有大啲地方可以玩!但真心想問,點解你人多就R房?而唔係正正經經book多幾間房又或者book套房? 

最令人津津樂道係有客明明應承咗如果幫到忙UPGRADE,就會SEND EMAIL去人哋集團同埋TRIPADVISOR俾好評,但最後無做到! 

遇到呢啲情況真係把幾火,絕對係酒店業哀歌! 

來源:酒店控Louis Facebook

===================

19網輕鬆爆料熱線,歡迎舉報老細同事19惡行,立即click入去講畀我哋知啦