【統計】幾多打工仔憎交換聖誕禮物?
又係一年一度公司聖誕party,例牌要同同事交換聖誕禮物。小編有個交換過至少十年嘅HR朋友,坦言愈來愈唔享受,原因如下:
永遠付出真心揀禮物的人,最後只係交換到廢物,而廢同唔廢因人而異,朋友就試過有男同事,抽中「姨媽巾」。
禮物限額無論定20蚊,50蚊,定100蚊,根本都只係為買而買,有幾多人真心覺得份禮物實用、或者真係會用?
老闆一齊交換禮物,壓力倍增,因為老闆唔理大家budget定咗幾多,都要份禮物超高質素!
同事有男有女,禮物要揀啲男女都啱用,連揀禮物的種類都有限制,彈性冇晒
同事對禮物定義愈收愈窄,又唔俾買食物、又唔俾買現金券,話呢類禮物無誠意。請問100蚊budget可以有咩誠意呢?
至恐怖係連聖誕禮物都要玩secret angel,要抽埋要送嗰位特定同事,呢個世界好邪,你愈憎嗰位就會抽中,無啦啦你要去多謝尋日篤完你背脊嘅同事,真係聖誕快樂呀。
聽完朋友分享,只能講句,不如聖誕節同事求其一齊食聖誕大餐算啦,交換禮物呢part不如skip,唔知你又贊唔贊成呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦