香港股市 已收市

診所職場事 【寶豬趣聞】結咗婚嘅先生|珍寶豬|經一專欄

珍寶豬

經一專欄診所職場事】有日一位先生等睇醫生時~不停喺度索鼻涕…
我諗住佢係冇紙巾,於是我同佢講:「先生,你要唔要紙巾呀?」
佢抬頭望住我:「紙巾?要嚟做咩呀?」

撰文:珍寶豬

延伸閱讀:

借低息私人貸款6大常犯錯誤 被「利息特低」 吸引易出事 | 理財解碼 | 手續費 | 每月還款額

想變有錢人並不難 50/20/30黃金儲錢法則 | 理財入門| 理財解碼 | 創富攻略


俾你抆屎好不好?
我:「我見你啲鼻涕係咁索返入去…呻出嚟好啲啊」
佢抬頭擘大口得個窿:「你對我先係咁㗎?」
我:「吓?」
佢低頭:「我結咗婚㗎啦」
先生你真係好病喎。我俾張紙巾你呻鼻涕,唔係俾張紙巾你嚟打飛機喎~
我:「你結咗婚唔關我事㗎,我係想叫你唔好索返啲鼻涕入去啫」
佢:「唔係想Flirt我嘅又駛咩咁主動呀,我明嘅」
你明條蕉呀?你自戀成癮啊。
我冇出聲,廢事理佢。
佢見我唔出聲,過咗陣就同我講:「咁快放棄啦?」
我繼續唔出聲。
佢再講:「Flirt多兩次啦,我成日都咁俾人flirt㗎啦,男女都有,我都控制唔到。早幾日咋嘛,去買外賣都多兩啖飯」
點先知會多咗兩啖飯呀?嗰兩啖飯另上嗎?會唔會人哋見到你飯都嘔埋出嚟,跟手急急腳打包好個外賣叫你快啲扯呀?
我:「先生,你唔好誤會~我真係純粹俾紙巾你啫」
佢:「我慣㗎啦,係靚仔嘅」佢拎出電話疑似開咗前置鏡頭喺度撥頭髮。
嗯,醫生~你一陣方便嘅話轉介埋佢去眼科呀。
佢:「不過你呢啲唔係我鍾意嗰隻呀,我對阿姐冇興趣,不過我好welcome你對我好嘅,我慣㗎啦。」
我姐你老味。結咗婚就發少陣姣啦~

延伸閱讀:

火鍋之王海底撈張勇 8,000元起家 到650億元身家 | 名人視野 | 富豪智慧 | 創業淘金