香港股市 將收市,收市時間:4 小時 6 分鐘

網民哀變股仔 騰訊未必是股王

行軍打仗,向來以攻心為上。如今港股處於劣勢,更加要穩定軍心,重整旗鼓。

其中一項最令股民傷人嘅,就係股王騰訊,變成股仔,轉眼間穿晒心理關口,隨時下試340

美國有個簡單熊市定義,當股份由52周高位跌超過2成,持續60日,就可界定步入熊市而騰訊52周高位為476.6,跌兩成為381.28,如果今日呢個股價Keep多一排,就可以確定「股王」步入熊市了。

股王大跌,睇返散戶反應,都係嗰一句:「股王玩完。」但其實筆者想講,過去好多股份都被稱過股王,回想2000年時,筆者記得睇過曾淵滄一篇文話「股王讓位」,認為當時中國電信,已經超越匯豐,成為股王,認為中國電信唔只係香港股王,「更可問鼎世界股王之寶座。」今日睇返,你覺得中移動,還有股王的霸氣嗎?

事實上,盈動、長實等等,都曾經封過王,或者咁講,其實「股王」只係一個勝者為王的概念,大家不必太認真。

如果股王真係有一套標準,騰訊咁大波幅,亦未必夠資格稱王。

(截至下午2:45分)

面對熊市時,真正令股民絕望嘅,係令人失去鬥志嘅環境,悲慘情緒被傳媒無限放大,但其實環境隨心而轉,首先將眾股平等看待,股王又好,股仔又好,不必說什麼一股不留,侍機而動就可以了。

唔知你又同唔同意呢?

===============

財經精選資訊網站「中環街市」  臉書粉絲頁