網絡熱話：退休住香港邊區好？離島定村屋？

近日網上討論區，網民熱烈討論退休後係香港住邊區最好，如果唔移民，退休後係香港可唔可以過番好似外國地方生活？

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

離島之選

有網民提出，朋友認為退休住南丫島是不錯選擇，南丫島環境清幽，距離中環大約30分鐘船程。不過，另有網民則認為南丫島太悶，連連鎖快餐店麵都無，他認為，梅窩較好，地方大之餘，交通亦較方便。

除了，南丫島、梅窩外，網民提出可以住坪洲及長洲都是不錯選舉，同樣環境優美。而長洲更加熱鬧，有更多生活配套，島上又有小型醫院。

缺點：要睇本身多唔多病痛，如果多病痛一定要交通方便，無病可以揀離島既。不過，有網民提出，長洲、南丫島假日勁多人，假期人多過旺角，去離島退休要諗清楚。

村屋之選

有網民話鐘意靜唔一定要住離島，好多村屋都好靜。例如新界元朗，揾新建村屋，而且要有屋苑式管理果隻。

缺點：村屋環境通常較好，有花有草，但位置較為偏遠，出入交通多要接駁，有番咁上下年紀仲要拉住架車買米買餸，住村屋又無人幫手好慘。

有山有水之選

若論環境，有網民建議可選擇大嶼山、愉景灣。如果喜歡行山，退休想住大埔天鑽或藍田KOKO HILLS。而西貢、馬鞍山都係唔錯地點，要山有山，要水有水，交通出入都方便，區內配套齊全，空氣又好。

網民認為，退休後成日流流長, 可以用長者搭車2元優惠周圍去，去巿區睇醫生都方便。

有網民就揀火炭，人少清靜，沙田人太多，又有地鐵，火炭搭一個站去到新城市廣場，兩個站去大圍大把地道食店，再搭多一兩個站去到九龍塘又一城、旺角，好方便。而且火炭附近有沙田公立醫院威爾斯，又有私立仁安醫院，老咗去醫院睇醫生都快。

結語：網民話最實際都係要住有好配套屋苑，因為年紀大行出行入要好方便，商場平路多，最緊要一句到尾要住近醫院診所