美國139年歷史老宅 業主斥40萬美元「搬屋」

擁有139年歷史的兩層樓老大宅（人稱Englander House），業主Tim Brown直接「搬屋」

平時搬屋，你會預算幾多呢？話說最近美國三藩市就有位業主「搬屋」，唔計裝修，都花達40萬美元，即逾315萬港元。

之咪就係位於Franklin 807號，擁有139年歷史的兩層樓老大宅（人稱Englander House），業主Tim Brown係直接「搬屋」，將整間屋，有如搬貨櫃一樣，搬到去另一區嘅新地址（地圖如下）。

今次搬屋引起全國注目，一來139年歷史屬古蹟老宅，當中建材動輒數百年以上，二來除了使費，業主要「連根拔起」都唔可以話搬就搬，而須要取得市內一共15個單位的批文才可成事，皆因「運送」途中，無論係路面情況與路牌或植物，都要預先安排好，據講仲有下坡路，靠兩架大板車咁樣搬屋，都係不可能的任務。

搬屋當日，引起當地市民圍觀 (Hearst Newspapers via Getty Imag)

取得市內一共15個單位的批文才可以搬 (Hearst Newspapers via Getty Imag)

由807Franklin ，搬到635 Fulton

市民圍觀「搬屋」

搬屋當日，引起當地市民圍觀。據講Franklin 807號地皮，往後可以興建一幢新公寓，似乎保育以外，「起樓」都係重要因素呢。

不過講起老宅「搬屋」，自然會諗起外國好興買間tiny house在戶外嘆世界（Netflix有相關綜藝節目），有家庭會寧願搬進其實係「豪華車屋」的迷利房都唔住大屋，鍾意去到邊就住到邊。

外國有家庭會搬進「豪華車屋」的迷利房，取代大屋 (Getty Images)

港人頂多「車中泊」 長住不了

呢類「搬屋」體驗喺香港就比較少見，幾年前先開始興起「流動劏房」露營車，但連便便都要自行取出消毒，而且根據現行條例，任何人有意經營露營車營地，須向牌照事務處領牌，確保營地符合建築及消防安全以及衞生，換言之，本港地少人多，有拖車都唔知可以拖得去邊，到頭來「車屋」都並非流動。

所以呢類「車屋」喺香港都好難流行，真住就免了，頂多興「車中泊」，開架七人車，一家大細當去旅行吧。

【下載Yahoo財經APP】獲全球超過1700萬人信任的美股投資工具，跨平台同步你的投資組合，一APP掌握TSLA、AAPL、AMZN等美股最新走勢。