美斯PSG周薪 香港難買一層樓
美斯離隊,最新加盟法國豪門PSG,據報道周薪約700萬港元,同美斯之前減薪金額約270萬港元和有傳曼城意向周薪比較,去PSG都算加返人工。
不過就有心碎球迷質疑「又話唔捨得巴塞,其實唔捨得錢」,指美斯貪圖周薪700萬港元。
美股、外匯、加密貨幣免費即時報價,自選投資組合獲取相關新聞提示
美斯周薪 要買洪水橋?
球迷議論紛紛,對美斯來講700萬算唔算多錢?有球迷提出,700萬港元,其實喺香港都買唔到一層樓。
以美斯尊貴身份,700萬又真係難買樓。網民認真討論美斯踢一個星期,喺香港買唔買到樓,有人話唔食唔使一星期,美斯可能勉強買到個Yoho三房兩廳,但買完後無錢裝修,得個搞字;有球迷就覺得美斯周薪要有900萬先有機會喺香港買樓,有球迷就話其實去洪水橋果邊投資兼自住,400萬頭就有了,交通又已經有970s,到時美斯要去港九新界都方便,美斯買樓,隨時仲可以skip壓測咁話;不過只能說香港地,700萬就肯定無可能要求多多,照咁睇周薪700萬都唔係好多錢,世上有太多價值,係比人工更矜貴呢,離開相信只是逼於無奈。
講返轉頭,美斯如果喺香港買樓,睇怕都係隔山買牛,如果係直接來港踢傑志,可能都係要租樓住先化算。
相關報道: