耀才太子女搞新意 包逾300員工迪士尼慶萬聖節
<匯港通訊> 耀才(01428)老闆葉茂林勤力就係人都知,佢最出名嘅獎勵員工方法係、免息借錢俾員工抽 IPO,不過,除左銀彈,要挽留員工亦要加入軟性元素,呢個任務就交左俾佢位千金葉頴恩。
耀才係過去嘅星期日舉辦左個「耀才員工迪士尼 Halloween 同樂日」,讓全體逾300名員工到香港迪士尼樂園慶祝萬聖節,呢個活動嘅搞手就係任職主席助理嘅葉頴恩,據聞,呢次活動反應不錯,好多員工都希望加碼搞多啲。
葉穎恩話,耀才未來一定會舉辦不同類型的活動激勵士氣,例如冬季燒烤聚會、聖誕節慶祝派對等。
唔知耀才會唔會搞個新意思,搞個高鐵團,包架高鐵北上旅遊。
葉頴恩指,耀才一直實踐『愛才、惜才、育才』嘅理念,未來將投放大量資源提供培訓發揮員工嘅潛能。 (BC)