耀才葉茂林2億掃渣甸山「皇第」 廚櫃最貴要4球？

近日豪宅市場再有名人入市，耀才證券主席葉茂林斥逾2億元，以首置身份掃入渣甸山白建時道47號「皇第」中層A室，連同兩個車位。單位實用面積2,848方呎，三房間隔，成交呎價高達72,196元。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

其實，有報道指，早於6月他以2.1億買入銅鑼灣怡和街逾7,000方呎巨舖，短短兩個月已花逾4億入市，樓市「好友」本色盡現。

葉茂林估今年豪宅價升2成

今年年初，北水大舉南下，葉茂林向傳媒作出神預測，非常看好港股，料恒指見35,000點，1月港股單日成交曾有3000億元。不過，現時港股已向下插穿25,000點，跌到前仰後翻，佢之前估計仍有待時間驗證。

不過，佢對樓市預測頗為準確，年初曾料中小型住宅升約5%，豪宅價可反彈20%。而至今二手樓價指數已破頂，而佢亦身體力行斥巨資買入豪宅，看好市道。

其實去年佢已係樓市搵緊投資機會，希望趁疫市下執低市價貨，吼山頂、南區獨立屋等，但因業主叫價硬，未能成事，結果最終於今年買入「皇第」。

「皇第」超豪 齋廚櫃花二千萬元

渣甸山「皇第」有幾豪華？名稱有皇室貴族的尊貴府第之意，項目由資本策略、泛海國際、高富諾等財團於2012年以14.7億元購入，呎價逾2萬元，屬重建新盤項目。「皇第」有22層，共有16伙，由去年至今至少賣出過半。

項目設計極盡奢華，外牆採用意大利石材及玻璃幕牆，結合金屬波浪條紋，隨着不同戶型而起伏。單計外部建築費每方呎已花費逾萬元。

此外，所有單位引入意大利名牌minotticucine廚櫃。是全港首個住宅項目採用，16伙的廚櫃總價錢料過2,000萬元，最貴一伙廚櫃價要400萬元。

葉茂林花巨資買物業，相當看好香港樓市，至於股市後市表現，未知佢會否修正之前睇法。