香港股市 已收市

老師幾皮嘢 絕對唔易賺

學已開,各位老師們都工已開。喺好多人眼中,教書高薪糧準,非常唔錯。但現實係教書打份工,幾有使命感都好,遇到怪獸家長、怪獸同事、怪獸上司等等,都會同其他打工仔女一樣,被殘酷現實磨滅意志。

有外國職場專欄,收集了逾50位教師「入行前最想知道嘅事」嘅回應,大數箇中顧慮:

  1. 校長,即係大老細嘅態度同要求,係老師嘅幸福關鍵
  2. 學校人多口雜,只要有少少錯處,很快會被人盯上,尤其係言語上嘅失誤,好易一傳十、十傳百,步步為營。
  3. 學生一旦犯錯,都會被人話係老師嘅錯,因為老師無教。
  4. 做老師都會「被追數」,學生成績就係業績。
  5. 老師都要做通才,本科以外,其他科都要識,因為隨時會被點派去教
  6. 無論備課有幾完美,上堂突發情況甚多,完成唔到唔需要沮喪,最緊要做好執生嘅準備。
  7. 唔好期望有break,學生睇少一陣,都會搞出大頭佛,搞到連去個廁所嘅時間都唔可以放心。
  8. 合約老師要年年續約,一樣無保障
  9. 放在個人社交生活嘅時間少咗,花在別人孩子身上嘅錢多咗
  10. 唔止上堂教書同改簿咁簡單,仲要兼顧大量行政文書工作,未天光返工,天黑先收工係日常寫照。

其實,香港做老師隨時仲多顧慮,叫做「升point」後有幾皮嘢一個月,但呢幾皮嘢,一樣都唔易賺;聽教書朋友講,日日返到學校,就好似返到宮廷咁,同一班妃嬪鬥爭。

來源:BI

【相關搜尋】老師該做與不該做的事

===================

19網輕鬆爆料熱線,歡迎舉報老細同事19惡行,立即click入去講畀我哋知啦