香港股市已收市

股災都唔死﹗騰訊會只升不跌?

小科網股災爆唔死騰訊,有傳媒索性撰文,揚言買騰訊只升不跌,根本無得輸。

買股票,邊個會想輸?難得有號碼唔會輸,聽落點都開心,該文章認為,微信同WeChat合共每月活躍賬戶已超過9.38億,早已挾用戶以令諸侯,大把服務可以推、錢可以賺;第二係隻皇牌遊戲《王者榮耀》(成功將全球高人氣遊戲《英雄聯盟》(LOL)複製到手機)未到頂,所以股王長玩長有。

聽落又幾有道理,首先內地用戶習慣「課金」,從手機好易漏錢,所以要賺網民的錢,早已並非難事;內地有篇文章講到中國行二胎政策,將會有大批小朋友打機,延續「遊戲經濟」不無道理。

此外,一隻殺手級遊戲,的確可以成為搖錢樹,你睇以前盛大陳天橋,靠一隻《傳奇》遊戲翻生,你就知遊戲現金流同實質業務反映都唔可以睇小。

之不過,世上豈能盡如人意一定贏?投資有賺有蝕是常態,各安天命,各自修行。至少要考慮以下問題,才可以說股王騰訊是只升不跌。

首先,唔好睇《王者榮耀》咁成功,事實係根據艾瑞咨詢嘅《2016-2017中國手機遊戲市場研究報告》,上年中國手游用戶規模為5.23億人,增長持續放緩,而且手游產品平均生命周期為612個月,再好嘅遊戲,都敵唔過貪新厭舊嘅市場。騰訊谷game模式係大雞唔食細米,集中幾隻獨家代理好game「做大做強」,而唔係漁翁撒網,君不見最後騰訊終止營運《神魔之塔》?見敗就收。

再者,用戶肯玩,未必肯長期課金。時下有一種叫「課金族」,一般做法就係趕入新遊戲課金,做一時半刻大佬﹗倘若在遊戲中做不到大佬,他們又會改玩其他遊戲了。數據上亦印證了這一點,根據上述報告,上年中國月均充值額超過1000萬元人民幣嘅移動遊戲,有64%係該年度新上線產品,換言之,有超過6成課金,都係新game

如果係咁,騰訊要保持《王者榮耀》甚至股價千秋萬載,就有點難度了。

https://youtu.be/lIGTBYXYeao

(影片:事實上騰訊已發佈新遊戲,未來業績要看這些項目能否跑出)

反而,如果真係話只升不跌,大家不妨留意下內地市場真正興起的沙盒遊戲(Sandbox Game)。沙盒遊戲就係開放世界嘅遊戲,玩家於遊戲中可以做乜都得,唔一定要一條路爆機,近年外國就有一隻Minecraft,勉強一點來說,任天堂部新機switch,多多少少都係靠類沙盒遊戲《薩爾達傳說》食糊。

最近完美世界、英雄互娛等內地上市公司,都有動作,當然亦唔少得騰訊了。遊戲界競爭唔少,或者騰訊要同任天堂來個三分天下之計,才能夠長治久安吧?

延伸閱讀:長揸騰訊根本冇得輸!

19+精選推介︰

男女激戰前後中間發生咩事?

長榮疑似新制服太醜空姐︰寧願裸體

男神崩壞木村可否不要老

【霸氣外露】食店貼告示「五不招待」

3個月肥中佬變爆肌男

【打工日記】食到一碟假鮑炒飯,我終於哭了

===============
財經精選資訊網站「中環街市」  臉書粉絲頁