股神巴菲特 都曾經買過Nike

·3 分鐘文章
巴郡於2005年第四季買入Nike,持貨至2010年底就全數沽出
巴郡於2005年第四季買入Nike,持貨至2010年底就全數沽出

呢兩日大家都聚焦Nike,唔講唔覺,原來根據2020年報,Nike(NKE)的大中華地區收入,已經佔總收入貢獻達19%,大中華EBIT貢獻僅次北美;長情股民可用來跟2010年比較,2010年Nike總營收約51億美元,而大中華地區收入只有4.64億,佔比僅9%,換言之,「中國」在Nike業績中的份量,10年間增加了一成,中國市場愈來愈重要。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

股神自己都有著NIKE
股神自己都有著NIKE

倚賴一個龐大內需且急速發展的市場,實乃無可厚非,不過令人回想起,Nike(NKE)明明擁有所有股神巴菲特眼中的「好股基因」,業務易明白,又有長期競爭優勢等等,財經文章又經常分享到Nike是一隻「巴菲特會喜歡的股份」,那又為什麼巴郡自2010年年底清倉後,就再沒沾手Nike呢?

股神現身解畫沽NIKE

話說當年清倉是有段故,巴郡於2005年第四季買入Nike(NKE),持貨至2010年底就全數沽出,當時股神一共沽出美銀、NIKE、雀巢等八隻股份,令市場議論紛紛。後來股神現身解畫,證實沽Nike,真係同親密戰友Lou Simpson於2010年底退休有關,因為人走了,投資組合也就消失。

“So When Lou left, his portfolio left”

當時巴菲特打了個比喻,他說如果芒格送他100股某隻股票,他一定會把股票沽出,自己再買過;呢種「交學費都要自己交」、「賺蝕都係自己」嘅固執,真係唔係人人有。

而Lou Simpson的繼任人,就係Todd Combs,現時與Ted Weschler 一齊管理巴郡約 10% 的投資組合。

不過似乎巴郡到今日都無理過Nike。

股神本身喜歡棒球賽同美式足球,去年美職MLB最好的30件球隊波衫,都有唔少Nike;佢親自投過球嘅愛隊KC Royals,件波衫都係Nike,股神應該「熟悉」,但就係唔買Nike。

股神愛隊KC Royals
股神愛隊KC Royals

押中奢侈家具逆市升

唔知大家有無留意,與Nike同樣近年逆市升的家具連鎖店Restoration Hardware(RH)?原來不知不覺,呢間美式奢侈家具企業嘅股價,過去4年增升幅達1600%,由2017年3月的31美元,大增至最新報529美元,跑贏Apple和Amazon,巴郡亦於2019年第三季「上車」,到第四季再增持,至目前持股約8.5%。

因為大家都留在家中享受,RH被譽為疫情家居受惠股⋯對比Nike,股神就有出手買RH。

股神有買家具連鎖店RH(Restoration Hardware)股票
股神有買家具連鎖店RH(Restoration Hardware)股票

NIKE推NFL波鞋交易

至於Nike(NKE)呢兩年逆市升,如果無新疆棉花事件,其早已計劃好的NFT炒波鞋平台,應該可以再下一城,趁NFT熱勁推;在股價同基本面唔多關事嘅今日,NFT概念應該仲有得炒?不過股神都係按兵不動,或者等睇今波大跌,會唔會貪平出手?