華為已掌握「嚇死人的技術」
大家都知道,國產企業家向來多金句,最近華為消費者業務CEO余承東都語出驚人,揚言華為已經掌握了一項「嚇死人的技術」;有了這項技術後,華為手機甚至可以快到飛天,其他手機只能「地上跑」。
到底呢項技術係嚇人定「嚇鬼」呢?原來新技術,就係圖像處理加速技術GPU Turbo。
華為聲稱,開Turbo之下,GPU處理效率約可提昇60%,同時處理器電力損耗約可減少3成。其技術厲害之處係,唔單只旗艦機受惠,就算係舊機,只要加進呢個類似升壓渦嘅技術,都有助活化。
此外,GPU Turbo亦係目前最新支援騰訊手遊《絕地求生》、《傳說對決》嘅技術,算是搭上了騰訊的順風車。
余承東說:「GPU Turbo可以讓華為的入門級產品超越對手的中端手機,華為的中端手機可以媲美對方旗艦機,而華為的旗艦機可以甩對手一條街。」
筆者未知呢項技術到底有幾堅,但如此一來,蘋果就尷尬了,你認為Tim Cook,會唔會因為GPU Turbo而嚇死呢?
===============
財經精選資訊網站「中環街市」 臉書粉絲頁