蘋果要挑戰Peloton
蘋果發布會欠缺新iPhone市場認為驚喜不大,但其實,最新公布的「Fitness+ 健身服務」,可謂影響深遠。
先說少少比較近的背景,就是在疫情之下,因為人人都要在家隔離,不同的遙距課程或程式起飛,Zoom只是其中一個最先和最受惠的企業,但其實,健身方面都出過一個Peloton,最新公布業績截至9月11日營收按年增長172%,可說是紅透半邊天。
Peloton被稱為美國居家健身界的Netflix,本來只是健身器材公司,靈機一觸要把健身房搬回家,賣硬件又賣服務,收取客人一筆訂閱費,就會提供健身教練的直播課程,而學員之間又可以透過系統互相追進度。聽聽下,其實係咪就咁引到蘋果「Fitness+ 健身服務」想進軍健身市場?蘋果本身有硬件優勢,且經多年努力連動整合已經完成,健身時透過 iPad 或 iPhone 上的 Apple Watch 獲得實時統計數據,或者可以成功也說不定。
Peloton強勁之處,不在於營收表面,而是訂閱人數翻了一番,達到110萬人,根據用家調查,用家對產品的滿意度竟係高達97%。
可能是獨市的關係?無競爭對手,客人通常都會滿意?蘋果發布會已揭露今後會來「分餅仔」,可預見個餅會因蘋果加入而更大。
有人分析過Peloton的成功原因,一是Peloton懂得運用數據,例如先統合用家健身時愛聽什麼音樂,重視什麼體驗,再推出相關服務;二是成功建立了一個健身社區,客人可以透過Peloton與有共同喜好或個人想法的陌生人一起健身,減少因懶惰而放棄的可能性。最實際例子是很多人買了任天堂Switch的健身環回來後,玩兩次就擺低,皆因無人鼓勵;但Peloton不同,背後招攬的一大批導師,並非AI,而是本來就在社交媒體上有名的教練,透過這些客觀環境,大大增加了客人的投入度。Peloton花了大量心血去了解客戶的健身習慣,客人持之以恒練習,練得多實有效,客人見有效於是滿意,所以亦觸發了良好的續訂循環。
Peloton目標是1億名付費訂戶,而在蘋果公布後,市場又似乎唔覺得蘋果可以贏到Peloton。不過藍海當中,又唔一定要擊倒對手,到時蘋果直接用Apple Music同Peloton合作又得。總之,新式遙距健身服務才剛興起,等睇會唔會有第三者加入戰團吧。
===============
精選資訊網站「中環街市」 臉書粉絲頁