街坊不滿除罩!莊思敏無奈食「死貓」:演員係比較敏感
藝人莊思敏(Jacquelin)、莊思明、楊明、曹永廉等於大圍一間茶餐廳,為新戲進行開鏡儀式,除了演員、工作人員及傳媒外,現場還吸引大批街坊圍觀,總人數超過半百,疫情之下仍多人聚集,增加危險度!故活動進行期間有警車巡視,其中有3、4名警員向附近屋邨保安了解,最後還登記其中一名工作人員身份,另有街坊大叫及向警察投訴表達不滿:「戴番口罩啦!好危險㗎!」
問到Jacquelin可有聽到街坊「訴求」?她無奈指:「冇辦法啦!演員係比較敏感,埋位開工冇可能戴住口罩,打開電視機見到演員戴口罩都覺得奇怪,開緊工就冇辦法,但一收工、放飯都會戴番,唔單止係因為法例,而係保護自己。」又謂上星期已經開拍新戲,於新禁聚令之下暫無影響:「會小心啲,台前幕後都有戴口罩。今次係同曹永廉做兄妹,佢係茶餐廳老闆,我就係雜誌社老闆,室內戲為主,雖然大熱天時,但都拍得舒服。」
她又指近日密密開《姊妹淘》:「就嚟開播就要儲定啲貨。(新主持加入有新火花?)同啲新加入嘅妹妹未係見得多,但每次拍新主持都有新火花,內容、氣氛上都唔同啲。」