被催快啲生BB！何雁詩興奮啜爆鄭俊弘

結婚呢啲開心嘢梗係要講多幾次啦～

歌手何雁詩（Stephanie）同鄭俊弘（Fred）尋日到女家過大禮，何雁詩仲搵埋好姊妹陳瀅、蔡思貝、賴慰玲等一齊幫手，尋日啲大合照同家中布置都已經曝過光，點知今日一早何雁詩意猶未盡，繼續咁興奮喪甫相，再加料贈大家啜爆鄭俊弘！

係齊人嘅！

何爸爸（左二）個樣開心到呢～

何雁詩仲忍唔住要咀鄭俊弘。

準新娘幾風騷。

開心到要連甫兩日相。

何雁詩留言自嘲畀老竇好順利咁「賣」咗佢畀鄭俊弘，又係咁話全日都好多歡樂同掌聲！至於鄭俊弘亦夾好時間，緊貼何雁詩出甫，自爆準備咗真雞、豬同魚去過大禮，一聽就知落足本。

鄭俊弘今次做到嘢呀！

開心～

另外，何雁詩跟未婚夫阿Fred發放嘅過大禮照片中，刻意冇影到金器。問到金器值多少錢？何雁詩笑言唔太清楚，但係佢就好多謝Fred「落重本」！問到過大禮過程，大妗姐邊一句祝賀詞最感動？Fred就話永結同心最令佢感動，而Stephanie話係百年好合，因為覺得維繫一段關係並唔簡單，結婚只係一個新嘅開始。

何爸爸攬實準女婿！

好滿意喎！

大家都開開心心！

每個人都祝福何雁詩生多啲！

何雁詩之後喺社交網晒出金器。

Stephanie笑言爸爸養佢夠多年太值得，因為今天收到好多禮！而一眾姊妹如蔡思貝、陳瀅、賴慰玲等就祝福Stephanie快啲生兒育女，因為自從賴慰玲生咗仔仔之後，大家都好開心，每一次有新嘅小朋友加入呢個大家庭，大家都會好興奮，所以好多人祝福Stephanie「生多啲」！

恭喜晒兩位！

包羅萬有！