雅虎香港財經 要求《造星4》參加者素顏面試 花姐呻質素好差 唔睇技巧睇性格
【星島日報報道】《全民造星IV》昨日進行第三次面試參加者，一眾參加者以素顏上陣。經過一輪面試後，一向敢言的花姐（黃慧君）直言質素好差，之所以今次要求參賽者以素顏面試，是因為要看她們真實一面，從而選出99強參加者！文：娛樂組 圖：錢文坤、孔志豪
以全女班為招徠的ViuTV真人騷《全民造星IV》，今日於觀塘某工廠大廈進行第三次面試，一眾參加者均以素顏上陣，與節目監製花姐及梁祖堯會面，現場所見大部分參加者一早到場等候進行面試。一身黑衫打扮現身的可柔，對面試表示有信心，但擔心臨場發揮會有失準，雖然大會沒有指定需要準備甚麼，但自己除了預備表演唱歌、跳舞外，對答方面亦有預先練習。談到今次面試後會選出99強，她說：「有聽過，自己信心都有嘅！（為何要素顏面試？）唔知原因，但對素顏都有信心，不過可能睇落去會再後生啲。」
素顏為睇真實一面
港日混血兒的坂部佩莎（Lezona）同樣對面試有信心，當問到可有特別準備時，她擰頭回應沒有，亦不清楚為何要素顏面試；26歲的Eva透露面試時毋須表演，只是與一班評審見面傾偈，但自己的信心不大，而當工作人員發現她接受訪問，隨即提醒她切勿透露面試內容詳情；29歲的Manc笑言雖然大會要求素顏，但自己則考慮應否畫眉，令外表感覺更精神；23歲的Yanny對於素顏上陣表示緊張；至於25歲的Ruby則自稱沒有準備亦不緊張，還透露大會無指示。
對於今次參加者的質素，花姐坦言比她想像中差，但今次自己並非擔任經理人，所以沒有壓力，只是為節目好，她說：「今次質數係好差，剛剛仲話『死啦！今次個節目！今次跌咗落個陷阱，我可能要改返男女。』」她更透露今次第三次面試會進行淘汰，並會選出99位參加者：「其實剛剛睇咗幾組參加者，都係有大部分人唔得，可能技巧唔得，但我今日睇唔係技巧，反而睇佢地性格，我諗睇技巧等佢地經理人wing點搞！（有指參加者要素顏出席？）因為我想睇真啲佢哋個樣，如果靠化妝去睇會有太多包裝又唔夠真實，第一素顏可以扔低佢哋嘅包袱，可以真實將自己一面攞出嚟，我覺得呢樣比化妝緊要！
■花姐呻今次質素好差，表示「跌咗落個陷阱」。
■一班參加者素顏現身仍展現自信笑容。
■混血兒坂部佩莎對面試頗有信心。
■Eva受訪時被工作人員提醒勿透露面試內容。
■Ruby直言沒有任何準備。
■可柔自言素顏的樣子會比平時後生些。
■Manc自言曾考慮畫眉。
■Yanny表示素顏上陣好緊張。
■一眾參加者均被要求素顏上陣。
■《全民造星III》的成功，令更多年輕人希望透過節目展現才華。
■《全民造星III》爆紅，總決賽更是話題性十足。
■梁祖堯是面試評審之一。
娛樂
