香港股市 將收市,收市時間:3 小時 24 分鐘

讓員工enjoy公司派對的5個建議

早前OfficeTeam有項調查顯示,只有36%受訪打工仔話享受公司搞嘅聖誕派對。誠然,公司派對唔夠吸引,可能係有老細在場,唔可以玩得太放之外,每年形式幾乎都係Copy and Paste,了無新意,毫無派對氣氛,試問叫人如何投入?

結果唯有年年扮膠興交足戲,幾個鐘頭嘅派對,隨時攰過返工。有外國職場專欄列出,能令員工愛上公司派對嘅一啲想法,各位打工仔又點睇?

1. 提供變妝服務

派對氣氛好睇參加者嘅裝扮,若然公司可以請來一啲專業人士,幫員工執執個Look,打扮一下,先蘊釀大家有準備參加派對嘅心,到時氣氛想唔好都難啦。

2. 派對辦在Office

喺平日OT慣嘅辦公室搞派對,眼見左一件Pizza,右一堆文件,愉悅心情頓時減半。若可在辦公室以外嘅地方舉辦,才能真正讓員工暫時忘卻工作,專心吃喝玩樂一番。

3. 每年更換主題

年年都只係不停食同抽獎,講起都真係有啲悶。其實,每年可以試吓唔同主題,例如復古懷舊風,或熱情沙灘風路線,甚至女上司穿黑絲襪,都可以俾到新鮮感員工,才可令佢哋對派對有所期待。

4. Menu轉新口味

次次Pizza或盤菜,其實真係會厭。現時做到會嘅餐廳多的是,無論廣東菜、泰國菜、日本菜、韓國菜、美國菜等,選擇多不勝數,偶然來個中西菜,應該都唔錯嘅。

5.翌日當「睡衣日」

外國有公司設派對翌日做「睡衣日」,因參加派對消耗咗大量能量,第二日應該無心打扮,只想瞓覺;喺辦公室也只會行屍走肉地辦工,所以允許員工當日可穿睡衣或休閒服。

假如公司真係會照做,各位打工仔又最buy邊點呢?

來源:BI

19+精選推介︰

個仔雪地裸跑 嚴父教出9歲大學生

菲傭姐姐征服喜馬拉雅山

彭浩翔參加台北發呆大賽 不敵科大生

複製婚照?雙胞兄弟娶雙胞姊妹

大力水手真人版 巨臂靠打針恐截肢

green fresh Victoria Secret 山寨版

偉哥工廠附近村落 男人硬起來

拎走所有中國製產品 你仲剩返啲咩?

飛去東京見男友 對方反應竟然係……

日文版《唐伯虎》 唱埋燒雞翼!

煲滾油搞到著火 撲熄要靠佢?!

給內向同事參加派對的5大建議

Hi Auntie 同學有個靚媽咪

呢啲畫用Excel畫?77歲老友記勁好心機

好毒!低頭族冬天專用手套

做埋同事嗰份 佢領功仲要當老奉

===================

19網輕鬆爆料熱線,歡迎舉報老細同事19惡行,立即click入去講畀我哋知啦