財經八一八: 平民股神 最後遺言
撰文:宗寰仁
美術:Ricky
有平民股神之稱信報首席顧問曹志明(筆名曹仁超)上個月二十一日逝世,享年六十八歲。曹Sir今個星期六會堅尼地道香港佑寧堂舉行安息禮拜,然後華人基督教墳場舉行安葬禮。對於曹Sir逝世,無論係新聞界定係金融界無不表示哀悼。對唔少散戶講,曹Sir留低好多金句,包括「有智慧不如趁勢」、「止蝕不止賺」、「木宰羊」等等。芸芸眾多金句當中,佢最後一次接受專訪,特別講到香港房地產太成功,令到整個社會無任何創新。佢寄語年輕人,唔好比五百呎綁住你青春,後生仔知冇?
內地股民苦等牛市雨
中國證監會主席劉士余上任,肖鋼黯然離場,唔少內地股民不禁高呼牛市重來,因為劉士余普通話諧音正正就係「牛市雨」。係咪換個人就可以重新迎來牛市?有唔使自己估,市場會比答案。牛市雨上任一個星期,A股二月廿五日創下暫停熔斷機制以來最大單日跌幅,兩市千股跌停。跌幾多?百分之六點四一。當日A股收報二千七百四十一點,有網民就取其諧音叫「我氣死你」。一向出名創意十足內地網民,特別整一幅肖鋼配圖,旁邊設計對白係咁:我都說了不關我的事了,你們不信,現在信了不?
星爺發威提挈電影股?
不知不覺,星爺賀歲片美人魚轉眼內地已經衝破三十億人仔票房。電影公司立即幫電影整番個新廣告,標題寫住「三十而立,魚有榮焉」,下面則大大隻字寫住「上映第十九天,票房突破三十億」。望番星爺彪炳戰績,華語片香港票房五十大之中,有三成係星爺電影;三年前執導西遊降魔就拎十二億五千萬人仔票房,係當年中國票房冠軍,今次美人魚翻一番,真係叫市場喜出望外。套戲咁收得,但隻比高(08220)好似暫時未見起色,甚至其他電影股例如橙天嘉禾(01132)或者天馬影視(01326)都無乜表現,典解呢?典解呢?
冼國林又創先河?
講開電影股,同電影有關國藝(08228)最近都有新聞,就係公司同英皇財務訴訟已經解決。話說國藝之前向英皇財務借億六,其中大約三千八百萬到期未還,於是俾人入稟法院提出申索。國藝就解釋由於部分資金放海外,加上農曆新年原因所以一時之間調動唔切。結果國藝話事人冼國林私人向公司借出一筆一年期四千萬零息貸款,另再借一筆兩年期一億年息六厘之無抵押貸款。據聞話原來冼國林係第一個零息借錢畀上市公司大股東,佢認為今次只係小漣漪,問題好快解決,皆大歡喜咁話喎!