廣告
香港股市 已收市
  • 恒指

    16,541.42
    +148.58 (+0.91%)
     
  • 國指

    5,810.79
    +82.66 (+1.44%)
     
  • 上證綜指

    3,041.17
    +30.50 (+1.01%)
     
  • 滬深300

    3,537.48
    +16.52 (+0.47%)
     
  • 美元

    7.8255
    -0.0001 (-0.00%)
     
  • 人民幣

    0.9225
    -0.0003 (-0.03%)
     
  • 道指

    39,807.37
    +47.29 (+0.12%)
     
  • 標普 500

    5,254.35
    +5.86 (+0.11%)
     
  • 納指

    16,379.46
    -20.06 (-0.12%)
     
  • 日圓

    0.0514
    0.0000 (0.00%)
     
  • 歐元

    8.4299
    -0.0107 (-0.13%)
     
  • 英鎊

    9.8760
    0.0000 (0.00%)
     
  • 紐約期油

    83.11
    -0.06 (-0.07%)
     
  • 金價

    2,254.80
    +16.40 (+0.73%)
     
  • Bitcoin

    69,843.02
    -710.94 (-1.01%)
     
  • CMC Crypto 200

    885.54
    0.00 (0.00%)
     

【買保險】朋友搵你買保險點算好?

保險公司積極轉戰本地市場,加上經濟疲弱多咗人入行,或者近來都有新入行朋友搵你出來傾下保險,遇上這類邀請可以點應對?

調整心態兼做功課

收到做保險朋友邀約,大家通常會抱著兩種心態赴約,一是認定對方只係想sell單唔係想幫你;二係唔想得失朋友硬著頭皮都要幫對方。其實兩種心態阻礙自己客觀地作出投保決定,前者係主觀否定保險代理的價值,包括以其專業知識幫你了解保險產品,還有往後的支援服務。不少人都坦言當初係幫朋友買份醫療保險,到入院時朋友協助申請索償,才知道專業保險代理真係幫到手。後者係純粹為友情買保險,就較容易買著自己未有急切需要的保險,白白浪費寶貴的供款。

要甩走這兩種心態,你收到做保險朋友邀約時,先要評估一下這名朋友的為人,對方可靠有交帶當然值得出席,否則最好都係找藉口推掉。赴約時亦不妨以初步了解心態與朋友交流,幫朋友跑數是其次,最重要係選擇適合自己的保險產品。

調整心態只係第一步,現時各大保險企業的網站均有上載各類保險產品的簡介,在你聽取保險代理朋友的介紹前,不妨先自己做一點功課。首先係按自己的人生階段,檢視一下自己較需要購買的保險。參考專家建議,初投入社會者可購買自願醫保及癌症醫療保險,為自己增添基本醫療住院保障。如自己都係家庭經濟支柱之一,亦可以購買供款額較平的定期壽險。已結婚的上班族,則可以為自己與家人購買醫療保險,作為家庭支柱亦可以增購人壽保險及危疾保險,當不幸身故或重病亦有資金支援。準退休人士最重要係強化退休儲備,可考慮入手定期派錢的年金計劃,又或兼具壽險功能的儲蓄壽險。

廣告

了解自己應該優先入手的保險後,聽到朋友的推介亦毋須心急做決定,不妨拎資料回家再研究,更重要係比較一下其他保險公司同類產品,評估一下朋友的推介的性價比。再進取一點可以主動問一問朋友在這間公司做得如何,假如朋友不停吐苦水要跑數,上司又不斷施壓等等,你就可能要再三考慮,因為這名朋友都可能做唔長,日後佢都未必會繼續幫你跟保單了。

縮沙最後防線:冷靜期

即使做足功課,但真係當黑的話,收到保單或會發現與朋友的推介貨不對辦。例如你強烈表示想買一份醫保,最後細看保單時才發現係危疾保。又或收到危疾保單時,查閱保單細節,才發現自己最關注的危疾並不包括在保障範疇內。碰到這些情況毋須灰心焗供,只要善用冷靜期就可以幫自己甩身。

現時保險業監管規定,保險公司將保單交付保單持有人後,或向保單持有人發出保單通知書後起計21天為冷靜期,保單通知書會註明冷靜期的屆滿日期,投保人在冷靜期有權重新考慮投保決定,並可申請取消保單及取得已支付保費。

決定縮沙的話,最好直接找保險公司的客戶服務代表處理,或親身到保險公司客戶服務中心辦理,既可以避免搵朋友取消保單的尷尬,以及朋友採取拖字訣令你錯失在冷靜期縮沙的機會。

伸延閱讀:

【iBond 2020】買iBond賺息留心兩大風險

【短期儲蓄保】風浪市儲蓄要識「彈出彈入」

點用一萬蚊投資黃金

定存息通縮點算好?

保單貸款、保單逆按勝在靈活