香港股市 將收市,收市時間:56 分鐘

【辛苦錢】打工仔年均用電腦1700小時

返工本來就係一件傷身嘅事,冷氣吹得多易令皮膚變乾,坐得多又易腰頸痛,望得電腦電話多亦很傷神。有外國調查發現,打工仔女喺公司平均一年坐在電腦屏幕前嘅時間,便達1700小時,即每日平均約為6.5小時用電腦工作。

若按一日工作8小時計,打工仔女每日便有超過四分之三嘅時間,喺電腦面前度過。早前,隱形眼鏡製造商Acuvue2,000名打工仔女進行調查,結果顯示,打工仔女似乎唔太關心自己嘅眼睛健康。有20%嘅受訪者坦言,至少兩年無去過睇眼科醫生;另有逾半嘅人表示,對眼睛健康嘅關注程度,遠低於其他身體部分。

當中,37%受訪者稱經常要瞇眼去睇電腦屏幕;另有37%則指因長期望實屏幕,搞到自己經常感到頭痛。

雖然唔少人會調較大啲字體,等自己睇得舒服啲。不過,有25%受訪者表示會將電腦移近自己,以便睇得更清楚。

在「機」不離身嘅時代,就算放工之後,幾乎人人都在玩手耭,仍有53%受訪者認為,自己需要遠離電腦休息一下,讓疲憊眼睛恢復過來,或者伸展雙腿拉拉筋;至於唔常休息嘅人當中,有48%認為因此有眼乾或眼痛症狀。

老套講一句,眼睛係靈魂之窗,大家要好好保護。如果無可能準時收工,不如多擺柔和色調擺設,如綠色小盆栽或大自然景色相片也不錯。

來源:Study Finds

【辛苦錢】打工仔年均用電腦1700小時

===================

19網輕鬆爆料熱線,歡迎舉報老細同事19惡行,立即click入去講畀我哋知啦