香港股市已收市

連intern都唔請的公司究竟有幾cheap?

踏入六七月又係各大院校狂派廉價實習的日子,以前來講,都仲有唔少大中小型機構會一盡社會責任,提供薄酬及空間畀一眾有心學習的下一代實戰一下,就算一個月得兩三千蚊,又或一蚊都冇,好多學生都願意仆埋去做。

隨住近年經濟唔好,各行各業實習生態亦都掀起翻天覆地的大改變……

  1. 唔使錢都唔請:請一個實習,就算一蚊人工都唔使俾,但當中所涉及的行政費及文件費用,已經係成本。更何況實習往往係一大堆人,要搵專人同院校交涉,實習來到公司又要動用同事去教,學完拍吓屁股就走得人,於是唔少公司索性唔請,咁就連行政成本都慳返。
  2. 避過寫intern report:正所謂人出雞我出豉油,既然攞咗人着數,就應該略盡綿力幫同學仔俾吓分。之但係好多老闆嫌份report多嘢要填,索性拒絕一切麻煩實習及院校文件。
  3. 連教都廢事教:經濟唔好,現職同事人工加得唔多,公司自不然估計同事連教精人的心機都冇,於是幫下屬謝絕晒所有intern。美其名係唔好搞到自己下屬,唔好徒添下屬工作壓力,實際上係令下屬連一班抵得諗的實習都不能享用,認真「度縮」!
  4. 院校成為出糧老闆:因為好多間公司請實習,連一蚊都唔俾,有見及此有院校索性代企業出糧,齋聽都覺得唔合理。
  5. seafood心態:十個人有九個人等緊升職,做乜要教精你?最好成行無人爭,否則田都無得你耕。

總結:連實習都請唔起的公司,打工仔都係早走早着啦!

【熱搜】睇下美國實習生最好待遇很想要吧?

===================

19+輕鬆爆料熱線,歡迎舉報老細同事19惡行,立即click入去講畀我哋知啦