過年點解少人睇樓？

兩大代理公布農曆年長假期周六及日預約睇樓量跌逾三成，反映過年較少人睇樓。

農曆新年放足五日長假期，應該是睇樓的好機會，但物業代理預約睇樓數字較放假前急跌，何解過年通常少人睇樓？

下載Yahoo財經APP

美股外幣即時報價 多國新聞任睇

碰上「大外遊時代」

中原公布十大屋苑新年長假期綠得550個預約睇樓，如單計周六及日有342個預約睇樓，按周跌37%；美聯公布指標屋苑長假期錄得575個預約睇樓，單計周六及日有354個預約睇樓，按周跌34.8%，反映農曆年睇樓量有明顯回落。

今年農曆年少人睇樓，關鍵原因之一是香港開關，大家投入「大外遊時代」，新年期間不少人都湧到日、韓及東南亞旅行，賣家買家都外遊，睇樓都係等假期結束返港再算。

即使賣家放售非自住樓，又一早放低鎖匙予物業代理，有買家睇樓又啱心水，可能身處日本忙於滑雪或逛街的賣家，都未必願意透過視像與買家協商。未有外遊又想買樓的用家，想到這一點，倒不如待過年後才再出動睇樓。

香港開關，大家投入「大外遊時代」，新年期間不少人都湧到日、韓及東南亞旅行。

裝修難以啟動

樓齡較新的半新盤，買家入手後總要做一些執漏翻新，至於舊單位更可能要來個大裝修才可以入住。

但裝修師傅、水電師傅習慣過年放超長假，去年賺得多的師傅，放一個月是等閒事。平日找工藝出色的裝修、水電師傅已不容易，遇上裝修全行放長假，要「搶人才」就更難。既然裝修難以啟動，準買家過年睇樓動力大都大打折扣。

裝修師傅、水電師傅習慣過年放超長假，去年賺得多的師傅，放一個月是等閒事。

過年鋤價難

當然留港的賣家及準買家都以萬計，但新年睇樓尚有一技術性難題，就是討價還價難度大增。試想像賣家是自住樓，剛剛招呼完到訪親友，又要應付上門睇樓客，這時候準買家進取鋤價，心情一定不好受，賣家黑臉拒絕甚至出言揶揄，交易不成兼傷和氣，未免有點無謂。

買賣雙方當想到鋤價這一環，都寧願過年後再慢慢安排，反正睇樓放盤一般都需時以月計，毋須急在農曆年長假期趕睇樓賣樓吧。