香港股市 將在 4 小時 17 分鐘 開市

【金句】人事顧問:兩年轉一次工好jumpy

唔講開都唔知自己身邊原來有好多朋友都兩年轉一次工,原因都好多時係完咗兩年合約,有約滿酬金,拎完走人;亦有人覺得兩年一份工,都叫做圓滿;更重要的原因係唔跳得密啲,人工邊有得加。

呢啲原因聽落都好合理,亦令小編都反省自己長做一份工,係咪好蝕底。 

不過近日從人事顧問朋友口中,又聽到另一個說法,作為心思思想轉工的打工仔,又不妨參考吓。 

人事顧問朋友話,最近都收到好多求職者的CV都係兩年一轉,佢拎住呢類CV俾唔少大機構睇,對方都一致批評呢類求職者太jumpy。原來求職者以為兩年一個整數好圓滿,但去到HR及僱主層面,係另一個睇法。佢引述僱主同HR金句:「兩年轉一次工好jumpy!」 

仲有要打破好多求職者嘅錯誤想法,每個grade每個title都有市價,但唔係人人都拎到市價,因為所有HR都係同一原則,就係依你上一份工的人工,加10-15%,最多20%,「好多公司唔係冇呢個budget,係佢哋唔會一嘢加你成皮嘢,就算你係升一個title!」 

最後人事顧問俾多個貼士大家:「工唔怕見,有時當係training,學吓點應對HR,先夠說服力去游說份工返來。」 

打工仔覺得有冇道理先?

【相關搜尋】跳草裙舞可以加人工?

===================

19網輕鬆爆料熱線,歡迎舉報老細同事19惡行,立即click入去講畀我哋知啦