香港股市 已收市

【集思廣益】HR教你搵工點叫價

打工仔俾人壓價情況時有聽聞,好多時唔係心水價accept咗個offer,先至揼心口;又或者以為自己拎咗個好offer,事後先發現仍然低過市價。唔想追悔莫及?小編有個HR朋友教大家幾招試下,睇下會唔會有助叫價。 

1.用linkedin chok 人事中介人工

當你開咗linkedin,周不時都會有人事中介搵你過檔,佢地一般會問你apply咗某份工未,呢個時候記得話自己未apply,然後打電話俾中介索吓僱主請人的心水價位,「打完個底」再叫價,咁就唔怕自己開價開得低,增加成功率。 

2.用公營機構的薪酬表做指標

打工仔千祈唔好有一個錯覺,以為公營機構人工好高,唔可以用來做市價參考。事實上,近呢十年成立的公營機構,好多時候都調返轉,參考私營市場人工,再釐訂機構唔同職級人工。只要你勤力啲google,或者有恆心啲睇返一啲立法會的公開文件,你就會搵到唔少公營機構的薪酬表。望住個表,去返私營公司叫價,得咗! 

3.唔寫current salary,改寫remuneration package

當打工仔開價在「明」、人事部暗盤價在「暗」的大前提下,求職者一定要出招保障自己。用較高的remuneration package作為起跳價就最好,計埋約滿酬金、花紅同津貼,點都有著數。 

仲有冇打工仔可以分享叫價招數呀? 

===================

【相關搜尋】跳槽加薪幅度

19網輕鬆爆料熱線,歡迎舉報老細同事19惡行,立即click入去講畀我哋知啦