雅虎香港財經 【電影LOL】今個星期睇咩戲 《鬼滅之刃劇場版 無限列車篇》《屠．姐上錯身》《親愛的房客》《靚太軍樂團》
上星期新片平平無奇，今個星期就套套都好值得睇！雖然4套新片類型唔同，但目標觀眾唔一定無交集，可惜要好多戲癮、善於時間管理以及有返咁上下精力先可以一個星期內睇哂幾部新片，其實點解要逼埋同一個星期上？又逼觀眾一定要4選1先？分開上真係咁難？
《鬼滅之刃劇場版 無限列車篇》
承接第一季動畫，炭治郎等人完成「蝴蝶屋」的訓練，抵達下一個任務地點「無限列車」。據說在短時間之內，有四十人以上的乘客在列車上消失。 炭治郎帶著禰豆子與善逸、伊之助一行人，和鬼殺隊最強劍士「柱」其中一人，炎柱的煉獄杏壽郎會合，在開往暗黑的「無限列車」上，與潛伏在列車上的鬼正面對決！
賣點：熱爆日本、台灣嘅動漫，風頭一時無兩，打破多個票房紀錄嘅日本片。係fans應該已買飛，未聽過嘅不妨入場睇下點解《鬼滅》咁hit！
《屠．姐上錯身》
女生Millie長得平平無奇，喺學校慘慘豬成為被恰對象，一個離奇夜更俾變態屠夫追殺到斷氣，靈光一閃責醒後，發現自己同大叔交換咗肉體，廿四小時內搵唔返自己肉身，就會孭住大叔個衰殻直~ 到~ 永~ 遠！Millie不斷逃避追捕，走頭無路下唯有搵佢班老死諗計破解惡咒；那邊廂大叔反而愛上扮靚做萬人迷，調戲一衆校草巴打外，更打算盡地一煲，參加學校舞會過吓手癮大開殺戒！驚到盡爆笑到盡，到底最後點收科？
賣點：終於有一套唔夾硬政治正確、大玩兩性錯置嘅喜劇！戲內都有唔少血腥場面，但睇得痛快多過驚嘅！
《親愛的房客》
在所有人眼裡，林健一(莫子儀 飾)都是個正人君子。他好心照顧他的房東：一位患有糖尿病的老阿嬤周秀玉(陳淑芳 飾)，和一個九歲的小男孩王悠宇(白潤音 飾)。直到阿嬤過世，悠宇的叔叔立綱(是元介 飾)返國奔喪，才發現這棟房子已經過戶給悠宇，而且林健一還收養了他。立綱懷疑健一謀財害命，報警展開調查，才發現林健一根本不是外表所表現的正人君子……
賣點：睇《親》就了解台灣喺LGBQT上行得比香港前太多，電影如實描寫林健一為逝去男友所做嘅一齊非常感人。儘然健一面對其他人嘅成見，但絕無嘩眾取寵，亦唔會攞「我直男但有同志向我示愛」嚟做宣傳！憑《親》成為影帝嘅莫子儀出道多年，演技早受肯定，醉心演戲不為成名嘅佢早前幫青峰拍mv，短短幾分鐘都夠感動觀眾！
《靚太軍樂團》
一群英軍駐守阿富汗後，妻子凱特（姬絲頓史葛湯瑪士 飾演）與麗莎（莎朗可瑾 飾演）為了排解寂寞，經營起「靚太俱樂部」來讓太太們打發時間。可惜兩人性格南轅北轍，經常意見不合而爭執，亦令俱樂部變得如一盤散沙；直至某天有人建議組成合唱團，意外地令靚太們漸漸走近！這群從來沒有學過唱歌的靚太，每天為了身在戰地的丈夫擔憂，音樂竟成為她們堅持下去的力量！在彼此的互相扶持下，她們成功登上大舞台，用最溫柔的歌聲唱出自己最堅強的心聲！
賣點：典型勵志感動人心小品，老套但受落。相信大家呢刻都需要feel good 電影。
更多電影文章
【電影LOL】「戰狼」吳京出征荷里活 同Chris Pratt演保鏢邊打邊搞笑
【電影LOL】《后翼棄兵》女主角 Anya Taylor-Joy 落街放狗被發掘嘅上位女星
【電影LOL】《007：生死有時》黑人女角自爆︰我就係新一代007！
